„ცოდნას მივყავართ თავისუფლებამდე“ ეს არის გზა, რომელიც ჯერ კიდევ ბოლომდე გვაქვს გასავლელი ამიტომ ვშრომობთ იმისთვის რომ სტუდენტ᳥ბისთვის, რაც შეიძლება მეტი შესაძლებლობა შევქმნათ, რათა თქვენ გაუმრავალფეროვადნეთ და გაბედულად შექმნათ ის დღის წესრიგი, რომელიც თავისუფლებას, წარმატებასა და კეთილდღეობას მოუტანს ჩვენს ქვეყანას.
GAUელების დელეგაცია, პროექტში მონაწილე კავკასიის უნივერსიტეტისა და თბილისის სახელმწიფო უნივერსიტეტის სტუდენტებთან ერთად, ქართულ-ამერიკული უნივერსიტეტის European Study Trip-ის ფარგლებში ბრიუსელში, ნატოს შტაბ-ბინაში სპეციალურად მათთვის დაგეგმილ ღონისძიებებს დაესწრნენ.
შეხვედრა გაიმართა ნატო-ში საქართველოს ელჩთან, ვიქტორ დოლიძესთან, რომელმაც განიხილა საქართველოს ნატოში ინტეგრაციის გზა, პროგრესი და არსებული გამოწვევები.
სტუდენტები ასევე შეხვდნენ ნატოში კიბერუსაფრთხოების პოლიტიკის ხელმძღვანელს, კრისტიან-მარკ ლიფლენდერს, რომელმაც სტუდენტებს გააცნო კიბერუსაფრთხოების პოლიტიკა, მისი მნიშვნელობა და გავლენა მსოფლიო დღის წესრიგზე.
GAU European Study Trip უნიკალური შესაძლებლობაა, იმისთვის რომ ცოდნას, უნარებს, ხედვებს და კავშირების შემატო გლობალური მასშტაბი და აქციო ისინი შენი წარმატების მთავარ სტრატეგიად.
